Les mots surlignés font l'objet d'une note
1Reçue à Grenoble, le 02 mars 1573. Répondue
2Monseigneur, pour responce à votre lettre du XXIIIe, jay escrit à Montpellier
3pour la partie deue à monsieur d’Ourche et ne cesseray quil ne soit
4satisfait ou quils disent nect quil ny a plus desperance. Presentement,
5le syre Platel me vient de dire que suivant ce que madamoiselle
6de Saint Pris lui a escrit et pour le desir quil a de vous obéir, il est prest
7fournir la partie à monsieur de Mures par mandement de ladite damois-
8elle, pourveu que le sieur de Mures lui passent les asseurances et
9promesses dont on luy a escrit aussi quil soit maieur car autrement
10son conseil porte quil ne se doit tenir à lobligation dun mineur
11pour un affère et une somme de telle importance ; et surce que de
12moy mesme je luy ay fait une ouverture, si dadventure ledit sieur
13de Mures se trouvoit encor mineur et neantmoins quil eust besoing
14dargent, sil ne lui pourroit advancer partie de la somme la
15paiant avec lauthorité dun curateur. Il ma dict quil luy avoit
16deià declaré que sil avoit besoing de mille ou deux mille escus,
17il sen accomoderoit. Je lay prié de fère un petit mot de
18responce et le m’envoyer tost pour le faire tenir avec la presente.
19En somme, il fait demonstration davoir envie de complaire à ladite damoiselle.
20Quant à nouvelles, je nen ay point aprins depuis mes precedentes,
21fors que jentends que le capitaine Gieromme dict avoit entendu que
22monsieur de Tavannes qui estoit à Estampes se portoit mieux.
23Lon continue fort quil ne se fait rien en Allemagne contre nous
24et que tout ce qui sy lève est pour Flandres et me semble bien
25que le cappitaine de la citadelle de Mets nescrivoit chose au contraire
26encor que en parla plus doubteusement sil se fait.
27Monseigneur, je me recommande très humblement à votre bonne grace et supplie
28le Createur quil vous done en parfaicte santé, très longue et heureuse
29vie. De Lyon, ce XXVIIe jour de fevrier 1573.
30Jenvoye à monsieur de St André la confirmation
31[des manages ?] du roy de Navarre et de
32monsieur le Prince de Gondé [Condé].
33Votre très humble et très affectioné
34Serviteur
35Bellievre